काठमाडौं । रौतहटमा १ किलो सुनसहित एक जना पक्राउ परेका छन् । शुक्रबार विहान रौतहटको गौर नगरपालिका ४ बसपार्कबाट प्रहरीले सुनसहित २१ वर्षका अनुकेशकुमार साहलाई पक्राउ गरेको हो ।
- Advertisement -
लु ४ प ५८०३ नम्बरको मोटरसाइकलमा सवार साहलाई चेकजाँच गर्ने क्रममा १ किलो सुन भेटेको हो । साहबाट बरामद पहेँलो धातु सुनचाँदी व्यवसायी संघ गरुडामा परीक्षण गर्दा सुन भएको पुष्टि भएको प्रहरीको भनाइ छ ।
साहलाई राजस्व छली कारबाहीको लागि बाराको पथलैयास्थित राजस्व अनुसन्धान विभाग मध्यमाञ्चल क्षेत्रीय कार्यालय पठाउने प्रहरीले जानकारी दिएको छ ।
