काठमाडौँ । सरकारले नीति तथा कार्यक्रम प्रस्तुत गर्दै २ वर्षभित्र नेपाललाई साक्षर नेपाल घोषणा गरिने उल्लेख गरिएको छ ।
राष्ट्रपति विद्यादेवी भण्डारीले वाचन गरेको ठूलो सार्वजनिक सवारी साधन सञ्चालनलाई प्रोत्साहित गरिने पनि बताइएको छ । त्यस्तै, विद्युतीय सवारी साधनको प्रयोगलाई प्रोत्साहित गरिने पनि नीति तथा कार्यक्रममा उल्लेख छ ।
सार्वजनिक यातायातका साथमा यात्रा कार्डको व्यवस्था गरिने बताइएको छ । प्रदेश, स्थानीय र निजी क्षेत्रको सहकार्यमा सातै प्रदेशमा विद्युतीय बस सञ्चालन गरिनुका साथै विद्युतीय बसका लागि पर्याप्त चार्जिङ स्टेसन बनाइने बताइएको छ ।
त्यस्तै, संघ प्रदेश र स्थानीय तहबीचको सम्बन्ध र सहकार्यलाई व्यवस्थित गरिनेछ । अन्तर प्रदेश परिषद र प्रदेश समन्वय परिषदलाई सुदृढ र सरकार बनाइनेछ ।
समृद्धिको आधार वर्ष बनाउन सरकार सफल भएको बताउँदै सरकारका कारण जनतामा उत्साह आएको नीति तथा कार्यक्रमा जिकिर गरिएको छ ।
पछिल्लो दुई वर्ष ६ प्रतिशत र चालु आर्थिक वर्षमा आर्थिक वृद्धिदर सात प्रतिशत रहेका कारण सरकारले निकट भविस्यमै दोहोरो अंकको आर्थिक वृद्धिदरको लक्ष्य प्राप्त गर्ने बताइएको छ ।
