सलमानले यो कुराको ठाडो अस्विकार गरे । उनले तातो जवाफ फर्काएका छन, ‘मलाई राष्ट्रिय अवार्ड चाहिँदैन् । राष्ट्रिय मात्र हैन, कुनै पनि अवार्ड मलाई चाहिँदैन । जुन समयमा मेरो चलचित्र सार्वजनिक भएको छ , त्यो समयमा दर्शकहरुले हलसम्म पुगेर मेरो चलचित्र हेरि दिनुभयो भने त्यो नै मेरो लागि सबैभन्दा ठुलो अवार्ड हो ।’
केही समय अघि उनले एक अन्तरवार्तामा भारतबाट कट्रिना कैफले राष्ट्रिय अवार्ड जित्ने आशय व्यक्त गरेका थिए । उक्त अन्तरवार्ता सार्वजनिक भएपछि सलमानमाथि नै धेरैले प्रश्न सोझाए । उनलाई प्रश्न गरियो, ‘के सलमानले अवार्डको लागि काम गरिरहेका हुन् ?’
अवार्डको मामिलामा सलमान अनलक्की ठहरिएका छन् । किनभने सलमानले आज सम्म कुनै पनि चलचित्रबाट उत्कृष्ट नायकको राष्ट्रिय अवार्ड पाएका छैनन् ।
सलमानले सन् १९९० मा चलचित्र ‘मैने प्यार किया’ बाट डेब्यु नायकको अवार्ड पाएका थिए । पछि सलमानले ‘कुछ कुछ होता हे’ बाट सहायक अभिनेताको अवार्ड पाएका थिए । सलमानले पाएको अवार्ड यति नै हो ।
हाल सलमान खान ‘भारत’ फिल्मको रिलिज हुने पर्खाईमा छन् । यो सालको ईदको अवसरमा उक्त चलचित्र रिलिज हुदैँछ । अलि अब्बास जफरले यस चलचित्रलाई निर्देशन गरेका छन् । चलचित्रमा सलमान खान, कट्रिना कैफ, दिशा पटनी, सुनिल ग्रोवरको पनि मुख्य भूमिका रहेको छ ।
