26.1 C
Kathmandu
Thursday, September 29, 2022
25.1 C
Kathmandu
30.6 C
Birgunj

प्रहरीको गोली लागेर विप्लव समूहका कार्यकर्ताको मृत्यु

सिफारिस

Nepal Post Daily
Nepal Post Dailyhttps://nepalpostdaily.com
Nepal post daily is Nepal's Leading news website. Contact Person Santosh Sah : 9807184362 Office : 051520040

भोजपुर । प्रहरीको गोली लागेर घाइते भएका नेत्रबिक्रम चन्द (विप्लव) नेतृत्वको प्रतिबन्धित नेकपाका कार्यकर्ताको मृत्यु भएको छ । मंगलबार अपराह्न भोजपुरको टेम्केमैयुङ्ग गाउँपालिका– २ मैयुङ्ग क्षेत्रको धोत्रेमा प्रहरीको गोली लागेर विप्लव समूहका कार्यकर्ता तीर्थराज घिमिरे घाइते भएका थिए ।

- Advertisement -

तिघ्रामा गोली लागेर घाइते भएका भोजपुरको षडानन्द नगरपालिका–२ कुदाककाउलेका ३२ वर्षीय घिमिरेको बुधबार बिहान ३ बजे उपचारको क्रममा धरानमा मृत्यु भएको हो ।

- Advertisement -

भोजपुरका विभिन्न क्षेत्रमा हतियारधारी समूह सक्रिय रहेको सूचनाका आधारमा १ नम्बर प्रदेशको प्रहरी कार्यालय र जिल्ला प्रहरी कार्यालय भोजपुरको टोली गस्तीमा निस्किएको थियो । गस्तीमा रहेको प्रहरी टोली र करिब १५ जनाको समूहका रहेका विप्लवका कार्यकर्ताबीच मैयुङ्ग डाँडामा जम्काभेट भएको जनाइएको छ ।

प्रहरी देखेपछि अरु सबै जंगलतर्फ भागेपनि घिमिरेले भने कम्मरमा बाँधेको हतियारले प्रहरीतर्फ आक्रमण गरेको १ नम्बर प्रदेश प्रहरी कार्यालयले जनाएको छ ।

प्रहरीले जवाफी फायरिङ गर्दा घिमिरेको तिघ्रामा गोली लागेको थियो । गोली लागेर गम्भीर घाइते भएका घिमिरेलाई एम्बुलेन्समार्फत उपचारका लागि धरान ल्याइए पनि हिले–भोजपुर सडक भैसीपंखा खण्डमा परेको पहिरोका कारण समयमै अस्पताल पु¥याउन नसकिएको प्रहरीले जनाएको छ ।

- Advertisement -spot_img

ताजा समाचार

spot_img

थप समाचार

- Advertisement -