बुधबार, मंसिर १७, २०७७

13 C
Kathmandu
19.2 C
Birgunj

संक्रमितको उपचारका लागि बीरगन्जमा पहिलोचोटि दिइयो रेम्डेसिभिर औषधी

  • 774
    Shares

सिफारिस

कृषि विकास बैंक सखुवाप्रसौनी शाखाका प्रमुख कमिसन खानै व्यस्त !

बीरगन्ज,१२ मंसिर । पर्साको ग्रामिण क्षेत्र सखुवाप्रसौनी गाउँपालिका वडा नं. २ पंचगावामा रहेको कृषि विकास बैंकका शाखा प्रमुखको रवैयाका कारण स्थानियवासी पिडामा परेका छन्...

पटेर्वासुगौलीमा अस्पतालको शिलान्यास, उपचारको लागी बाहिर जाने बाध्यता हट्ने विश्वास

वीरगञ्ज, १५ मंसिर । पर्साको पटेर्वासुगौली गाउपालिका वडा न. ४ मा पनि अस्पताल भवनको शिलान्यास गरिएको छ । केन्द्रिय सरकारको योजनाअनुरुप १० शैय्याको अस्पतालको...

ग्रामिण क्षेत्रमा मनपरी भाडा असुल, ३ जना बस्ने अटोमा ६ जना बस्दा पनि प्रहरी मौन

बीरगन्ज, १६ मंसिर । लकडाउन खुकुलो भएर सवारी साधन सञ्चालनमा आएसँगै पर्साको ग्रामिण क्षेत्रमा चल्ने सवारीको भाडादर मनपरी रुपमा लिने गरेको यात्रुहरुले बताएका छन्...

कपडा पसलमा आगलागी हुँदा २ करोडको क्षति

सिरहा,१६मंसिर । सिरहाको गोलबजार नगरपालिका-४ का दुई कपडा पसलमा आज बिहान आगलागी हुँदा करिब २ करोड मूल्यबराबरको क्षति भएको छ । गोलबजारस्थित कञ्चन वस्त्रालय...
Nepal Post Dailyhttps://nepalpostdaily.com
Nepal post daily is Nepal's Leading news website. Contact Person Santosh Sah : 9807184362 Office : 051520040

बीरगन्ज, २३ साउन- बीरगन्जस्थित कोरोना अस्पतालमा उपचाररत एक संक्रमितलाई पहिलोचाटि रेम्डेसिभिर औषधी  दिइएको छ । नारायणी अस्पताल अन्र्तगतको अस्थायी कोरोना विशेष अस्पतालमा उपचाररत संक्रमितलाई  सो रेम्डेसिभिर औषधी दिइएको हो । इन्जेक्सन दिए पश्चात उनको स्वास्थ्य क्रमिक राम्रो सुधार देखिएको चिकित्सक डा. निरज सिंहले बताए । सो रेम्डेसिभिर इन्जेक्सन दिइएका युवक संक्रमित तीन/चार दिनमा डिस्चार्ज हुन सक्ने डा. सिंहले बताए । औषधीको नेपालमा प्रयोग गैरकानुनी भएको भए पनि यसबारे जानकारी दिन कुनै डर र आपत्ति छैन भन्दै डा. सिंहले भने, “अनाधिकारिक रुपमै भए पनि मैले यो औषधी चलाएको हुँ, ज्यान बचाउन चलाएको हौं ।”

- Advertisement -

हाल रेम्डेसिभिर औषधीलाई कोरोना संक्रमितको उपचारमा प्रभावकारी मानिएको छ । हाल यो औषधी अमेरिका सर्वाधिक रुपमा प्रयोग भइरहेको छ । विश्वमा उपलब्ध धेरै एन्टी भाइरल डग मध्येको कोरोनामा प्रभावकारी देखिएको एन्टी भाइरल डग हो, रेम्डेसिभिर । विगत डेढ दुई महिना यता देखि छिमेकी देश भारत र बंगालादेशमा पनि यो उपलब्ध रहेको र त्यहाँ पनि प्रयोग भइरहेको चिकित्सकहरु बताउँछन् ।

- Advertisement -Trulli

यद्यपि, यो औषधी नेपालमा भने दर्ता भइसकेको भने छैन । कुनै पनि औषधी काुननी रुपमा बिक्रीवितरणका औषधी व्यवस्था विभागमा दर्ता गर्नु पर्ने हुन्छ । औषधी बिक्रीवितरण गर्ने कम्पनीका प्रतिनिधीले बताए अनुसार यसका लागि निवदेन दिएको भए पनि हालसम्म औषधी व्यवस्था विभागले अनुमति भने दिइसकेको छैन ।

अहिले आएर बल्ल सरकारले यो औषधी नेपाल ल्याउन प्रक्रिया शुरु गरेको छ । केही सातादेखि लक्षण देखिएका र आईसीयूमा गएका संक्रमित बढ्दै गएकाले यो औषधि किन्न प्रकिया सुरु भइसकेको स्वास्थ्य तथा जनसङख्या मन्त्रालयका प्रमुख विशेषज्ञ डा. रोशन पोखरेलले बताए । ‘हामीले औषधि व्यवस्था विभागलाई यहाँका व्यवसायीहरुलाई रेमडिसिभिर ल्याउन टेण्डर गर्न भनेका छौं’ डा. पोखरेलले भने, ‘व्यवसायीहरुले ल्याएपछि सरकारले उनीहरुबाटै आवश्यक परेको औषधि लिनेछ ।’ औषधी आयात गर्न चार आयातकर्ताले निवेदन दिएको औषधी व्यवस्था विभागले जनाएको छ ।

डा. निरज सिंह भन्छन्, “जब साउन यता बीरगन्जमा कोरोना संक्रमितहरु जटिल अवस्था आयो, तब प्रयोग गर्ने क्रममा थाहा भयो कि यो औषधी नेपालमा दर्ता नै गरिएको छैन । यस कुराले नेपालमा लकडाउन लगाएर पनि तयारी केही पनि नभएको पुुष्टि भएको उनी बताउँछन् । भेन्टिलेटर, आइसीयु, औषधी लगायतका लागि जुन तयारी गर्नु पर्ने थियो लकडाउन लगाए पनि केही पनि तयारी गरिएन, जुन हास्याँस्पद हो”, डा सिंह भन्छन् ,”रेम्डेसिभिर जुन अहिलेसम्मको प्रभावकारी मानिएको छ, त्यसको प्रयोगका लागि किन स्वीकृति नदिइएको हो, के सोचेर नदिइएको हो, बुझ्न गाह्रो छ ।”

औषधी व्यवस्था विभागले यो औषधी दर्ता गरेर तुरुन्त स्वीकृति प्रदान गर्नुपर्ने चिकित्सकहरुको तर्क छ । अन्यथा आर्थिक अवस्था कमजोर रहेका व्यक्तिहरुको अकालै ज्यान जाने चिकित्सकहरु बताउँछन् । आधिकारिक रुपमा स्वीकृति नदिईदा यस औषधीको तस्करी भइरहेको छ । जसले गर्दा अलिकति आर्थिक अवस्था सबल भएका व्यक्तिहरुले पनि महंगो मुल्यमा सो औषधी किन्न बाध्य भएका छन् । भारतमा मात्र भारु पाँच हजारमा पाइने रेम्डेसिभिर तस्करहरुबाट नेरु ४० देखि ५० हजारसम्म तिरेर बिरामीका आफन्तहरुले किन्न बाध्य भएको डा. सिंहले बताए । तसर्थ, यो औषधी रजिस्टर गरेर आयात गर्ने हो भने नेरु ८ हजारमै सबैले किन्न सक्ने गरी उपलब्ध हुने र धेरैको ज्यान बचाउन सकिने उनले बताए ।

साउन यताका अधिकांशको मृत्यु कोरोनाकै कारण
बीरगन्जमा साउन यता मृत्यु भएका व्यक्तिहरुमध्ये अधिकांशको मृत्यु कोरोना भाइरसकै कारण भएको चिकित्सकहरुले बताएका छन् । चिकित्सकहरुले गरेको निदान अनुसार साउन महिना यता मृत्यु भएका व्यक्तिहरुमध्ये एक दुई जना बाहेक अन्य सबैको कोरोना कै कारण ज्यान गएको हो । बाँकी एक दुई जनाको मृत्यु कारणबारे भने कन्फ्युजन रहेको डा. निरज सिंहले बताए । साउन महिनामा मात्र हालसम्म(साउन २२ गतेसम्म) १५ जनाको मृत्यु भएको छ । मृतकहरुमध्ये केही व्यक्तिमा मृत्यु पश्चात संक्रमण पुष्टि भएको छ भने केही व्यक्ति भने कोरोना संक्रमण पुष्टि भए पश्चात उपचाररत रहेका थिए ।

प्लाज्मा निकाल्न ब्लड बैंकलाई अनुमति दिएपछि प्लाज्मा थेरापी पनि शुरु हुन्छ
नारायणी अस्पतालले संक्रमितको उपचारका लागि वरदान हुन सक्ने प्लाज्मा थेरापी उपचार पद्धति चाडैं नै शुरु गर्ने भएको छ । यसअघि, नेपाल सरकारले नारायणी अस्पताललाई यो उपचार पद्धति शुरु गर्न अनुमति दिइसकेको छ । तर नारायणी अस्पताल आफैसँग भने रगतबाट प्लाज्मा निकाल्ने प्रविधि नभएको अस्पतालका चिकित्सक डा. निरज सिंह बताउँछन् । “कसैले रगतबाट प्लाज्मा निकालेर लिएर आउँछ भने हामी संक्रमितको शरिरमा प्लाज्मा हालेर उपचार तत्कालै शुरु गर्न सक्छौं तर प्याज्मा निकाल्न भने नारायाणीसँग प्रविधि छैन”, उनले भने । यद्यपि, बीरगन्जस्थित ब्लड बैंकसँग भने रगतबाट प्लाज्मा निकाल्ने प्रविधि र प्रविधि दुवै रहेको डा. सिंहले बताए । “ब्लड बैंकलाई स्वीकृति दिन सम्बन्धित निकायलाई खबर गरेको छु, आशा गर्दैछु, आजभोलि मै केही हुन्छ कि !” उनी बताउँछन् ।

तर जबसम्म डोनरहरु तयार हुदैंनन् तबसम्म यो उपचार पद्धति शुरु गर्न सम्भव नभएको डा. सिंहले बताए । डोनरहरुले(निको भएर घर फर्केका संक्रमित) साथ दिएको खण्डमा यो उपचारबाट धेरै संक्रमितलाई बचाउन सकिने उनले बताए । छिमेकी देश भारतमा यस उपचार पद्धतिको प्रयोग भइरहेको र लाभदायक परिणाम पनि आइरहेको डा. सिंहले सुनाए । पर्सामै संक्रमण पुष्टि भएर पनि निको भई घर फर्केकाहरुको संख्या देशभरमै धेरै भएकोमा पर्सा प्लाज्मा थेरापी शुरु गर्न सबल हुन सक्ने डा. सिंहले बताए । डोनरहरुलाई अनुरोध गर्दै उनले भने, “अहिले पर्सामा घर घरमा संक्रमित छन्, यस्तो अवस्थामा तपाईहरुले रक्तदान गरिदिनु भयो भने धेरैकोे जीवन बचाउन सकिन्छ जुन एकदमै ठूलो पुण्यको काम हो ।”

(नेपाल पोष्ट डेलीका सम्पादक अशोक संग्रौलाले रेडियो सान्भीका लागि कार्यक्रम “सवाल जवाफ”मा डा. निरज सिंहसँग गरेको कुराकानीमा आधारित)

अन्तर्वार्ता सुन्न यो लिंक क्लिक गर्नुहोस्

अन्तर्वार्ता सन्नुस् यहाँ किल्क गर्नुस्

- Advertisement -

ताजा समाचार

रौजा मजार सौन्दर्यीकरणको शिलान्यास १२ करोडको लागानीमा धार्मिक पर्यटकीय गन्तव्य बनाइने

जनकपुरधाम, १७ मंसिर । मुख्यमन्त्री स्वच्छता अभियान अन्तर्गत महोत्तरीको रौजा मजार सौन्दर्यीकरण योजनाको शिलान्यास गरिएको छ ।जसपा कार्यकारिणी अध्यक्ष एवं पूर्व उपप्रधानमन्त्री उपेन्द्र यादव,...

जीतपुर सिमरा उपमहानगरको रसिद किर्ते गरि कर संकलन गर्ने एक पक्राउ

बारा, १७ मंसिर - बाराको जीतपुर सिमरा उपमहानगरपालिकाको रसिद किर्ते गरि कर संकलन गर्ने एक जनालाई बारा प्रहरीले पक्राउ गरेको छ । पक्राउ पर्नेमा बीरगन्ज महानगरपालिका...

जगदम्बाको फलाम गलाउने भट्टी पड्किएर घाईते भई उपचाररत एक मजदुरको मृत्यु

बारा, १७ मंसिर- फलाम गलाउने भट्टी पड्किएर घाईते भई उपचाररत जगदम्बा स्टिलकका एक मजदुरको मृत्यु भएको छ । घाईते भएका चारजना मध्ये सर्लाही सकरोल गाउँपालिका...

सन्दर्भ : ३३ औं विश्व एड्स दिवस !

‘एचआईभी नियन्त्रण तथा रोकथामका लागि विश्वव्यापी ऐक्यवद्धता तथा साझा जिम्मेवारी’ भन्ने नाराका साथ मंगलबार ३३ औं विश्व एड्स दिवस, विभिन्न सचेतनामूलक कार्यक्रम गरी मनाईएको...

नेकपाको अहिलेको झगडा मूलतः सत्ता केन्द्रित भएको नेका नेता महतको टिप्पणी

बीरगन्ज, १७ मंसिर - नेपाली काँग्रेसका सह–महामन्त्री डा.प्रकाश शरण महतले सत्तारुढ दल नेकपाको अहिलेको झगडा मूलतः सत्ता केन्द्रित भएको टिप्पणी गरेका छन् । बीरगन्ज आईपुगेका...

थप समाचार

- Advertisement -