बीरगन्ज, १९ पुष । शालिमार सिमेन्टद्वारा आयोजित “शालिमार सिमेन्ट ट्यालेन्ट क्वेस्ट २०२०“ सम्पन्न भएको छ ।
भर्चुवल माध्यमबाट आयोजित ट्यालेन्ट क्वेस्टको अन्तिम राउण्डमा शनिबार सम्पन्न भएको हो । अन्तिम राउण्डमा उत्कृष्ट प्रस्तुति गर्ने सौगात आचार्य प्रथम भएका थिए । उनलाई ५० हजार रुपैयाँ नगदबाट पुरस्कृत गरिएको आयोजकले जनाएका छन् ।
त्यसैगरी दोस्रो स्थान प्राप्त गर्ने त्रिष्णा पाण्डेलाई २५ हजार रुपैयाँ र तेस्रो बीजेता सुभास रमदानलाई १५ हजार रुपैयाँले पुरस्कृत गरिएको थियो । एक महिना देखि शालिमार सिमेन्टको फेसबुक पेजमा चल्दै आएको यस कार्यक्रममा लगभग सय जना प्रतियोगिहरुले गायन, अयाक्टिङ, मिमिक्री, स्टयाण्डप कमेडी तथा कविता जस्ता विधामा आफ्ना प्रतिभा प्रस्तुत गरेका थिए ।
यस कार्यक्रममा नेपाल भरिकै सम्पूर्ण ठाउँबाट डिजिटल मिडियाको सहयोगबाट जोडिएका थिए । देश मात्रै नभइ विदेशबाट समेत सहभागीहरुले कार्यक्रममा सहभागिता देखाएका थिए । कोरोना महामारीको समयमा एउटा साकारात्मक उर्जा छर्ने उद्द्येश्य लिएर शालिमार सिमेन्टले घर बसि(बसि आफ्नो प्रतिभा देखाउन मिल्ने कार्यक्रमको सुरुवात गरेको थियो । कार्यक्रममा सबै प्रतिषपर्धिहरुले सुरुको चरणमा आफ्नो घरबाटै आफु भित्र रहेको प्रतिभाको भिडियो बनाई फेसबुक पेजमा राखेका थिए ।
सुरुवाती चरणमा प्रतिस्पर्धिहरुमध्ये सार्वाधिक लाइकका आधारमा मूख्य १५ जनालाई छानिएको थियो र फाइनल राउण्डको लागि चयन गरिएको थियो । साथै ३ जना प्रतियोगिहरुलाई वाइल्ड कार्ड मार्फत दास्रो चरणमा प्रवेश गराइएको थियो ।
फाइनल राउण्डमा पुग्नु भएका सम्पूर्ण प्रतियोगिहरुले जुन एप मार्फत आफ्नो प्रतिभा यस कार्यक्रमका निर्णायक मण्डलीका रुपमा रहेका धुरमुर र सुन्तली सामु देकाएका थिए ।