काठमाडौं, २६ चैत । राष्ट्रिय प्रजातन्त्र पार्टी (राप्रपा)ले संवैधानिक राजतन्त्र र हिन्दु राज्य पुनर्स्थापना गर्ने मागसहित आज काठमाडौंको बल्खुमा सभा र प्रदर्शन आयोजना गरेको छ। पार्टी अध्यक्ष राजेन्द्र लिङ्देन लगायतका नेताहरूले सम्बोधन गर्ने कार्यक्रममा सहभागिता रहेको छ।
कलंकी, कालिमाटी, सातदोबाटो, कीर्तिपुर लगायतका विभिन्न स्थानबाट जुलुस निकालिएको थियो। जुलुसका सहभागीहरुले पृथ्वीनारायण शाहको फोटो र नेपाल राष्ट्र झण्डासँगै राप्रपाको झण्डा पनि बोकेका थिए। प्रदर्शनमा सहभागीहरुले पार्टीका मागलाई जनसमक्ष पुर्याउने उद्देश्य राखेर राप्रपाले सभ्य र अनुशासित भएर कार्यक्रममा समर्पण गर्ने बताएका छन्।
सभा र जुलुसको व्यवस्थित संचालनका लागि दर्जनौं स्वयंसेवक परिचालन गरिएको छ।
