बारा,१६ मंसिर । बाराको कलैया उपमहानगरपालिका–२७ मा सिँचाइ नहरमा डुबेर ५० वर्षीया इन्दु देवी कोइरीको मृत्यु भएको छ।
वडा अध्यक्ष अशोक कुमार तिवारीका अनुसार इन्दु देवी घरबाट निस्किएर केही समयसम्म फर्किन नपाएपछि परिवारले खोजतलास सुरु गरेको थियो। खोजक्रममा उनको लुगा बरवा–पारता टोलस्थित सिँचाइ नहरमा देखिएपछि स्थानीयहरूले प्रहरीलाई खबर गरेका थिए।
जिल्ला प्रहरी कार्यालय बाराले घटनाबारे थप अनुसन्धान अगाडि बढाएको जानकारी प्राप्त भएको छ।
