काठमाडौं । नेपाली बजारमा बुधबार सुनको भाउ उच्च अंकले बढेको छ ।
मंगलबारको तुलनामा बुधबार प्रतितोला १० हजार ४०० रुपैयाँले बढेर २ लाख ९५ हजार १०० रुपैयाँ कायम भएको नेपाल सुनचाँदी व्यवसायी महासंघले जनाएको छ । यो मूल्य हालसम्मकै उच्च हो ।
महासंघका अनुसार मंगलबार सुनको भाउ प्रतितोला २ लाख ८४ हजार ७०० रुपैयाँमा कारोबार भएको थियो ।
बुधबारको चाँदीको भाउ पनि ४० रुपैयाँले बढेर प्रतितोला ५ हजार ९२० रुपैयाँ पुगेको महासंघले जनाएको छ । मंगलबार चाँदी प्रतितोला ५ हजार ८८० रुपैयाँमा कारोबार भएको थियो ।
