नेत्रबिक्रम चन्द ‘विप्लव’ नेतृत्व नेपाल कम्युनिष्ट पार्टीले तीन बुँदे सहमति कार्यान्वयनको मागसहित सरकारले वार्ता गरोस् भन्ने सन्देश दिएको छ। बुधबार जिल्ला प्रशासन कार्यालय ताप्लेजुङमार्फत् नेपाल सरकारलाई ज्ञापनपत्र बुझाउँदै नेकपाले ‘सरकारले तत्कालै नेकपालाई तुरुन्त वार्तामा बोलाइ उपयुक्त कार्यको थालनी गर्न पहल गरोस् भनेको’ छ। ज्ञापनपत्रमा राज्यद्वारा अदालतमार्फत् गरिएको सहमति उल्लंघनका घटना र कानुनी प्रकृया तुरुन्त बन्द गर्न, पार्टीका प्रवक्ता, महासचिव लगायतका नेता कार्यकर्तामाथि जारी गरिएको पक्राउ पूर्जी खारेज गर्न नेकपाले माग गरेको छ। जिल्ला सेक्रेटरी असल पन्दाकको नेतृत्वमा रहेको नेकपाको टोलीले प्रमुख जिल्ला अधिकारी महेशकुमार पोखरेललाई ज्ञापनपत्र बुझाएको हो। सेक्रेटरी पन्दाकद्वारा हस्ताक्षरित...