काठमाडौं, ०८ वैशाख । सोमबार नेपाल स्टक एक्सचेन्ज (नेप्से) परिसूचक २७ सय अंकभन्दा तल झरेको छ। अघिल्लो दिनको तुलनामा ७.७५ अंकको गिरावटसहित नेप्से २६९८.०७ अंकमा झरेको हो। कारोबारको क्रममा दिउँसो १२:२४ बजे नेप्से २७१६ अंकसम्म पुगे पनि त्यो स्तरमा टिक्न सकेन।
परिसूचक ओरालो लागेपनि कारोबार रकम भने बढेको छ। अघिल्लो दिनको ८ अर्ब ४३ करोडको तुलनामा आज ८ अर्ब ७७ करोड रुपैयाँ बराबरको सेयर कारोबार भएको छ।
आज ११२ कम्पनीको सेयर मूल्य बढ्दा १३३ को घट्यो र १ कम्पनीको मूल्य स्थिर रह्यो।घटेका समूहहरूमा व्यापार: १.५२% गिरावट (सबैभन्दा धेरै),बैंकिङ: ०.८५%,जीवन बीमा: ०.१६%,माइक्रोफाइनान्स: ०.११%,निर्जीवन बीमा: ०.१५%,अन्य समूह: १% छन् ।
बढेका समूहहरूमा विकास बैंक: ०.४३%,होटल तथा पर्यटन: ०.०६%,हाइड्रोपावर: ०.७७%,लगानी: ०.१७%,उत्पादन: ०.०३% छन् ।लगातार उकालो: नेपाल माइक्रो इन्स्योरेन्स र क्रेस्ट माइक्रोलाइफ इन्स्योरेन्सको मूल्य आज पनि १०% बढ्यो।
अन्य बढेका कम्पनीहरू: कर्पोरेट डेभलपमेन्ट बैंक (९.८८%), युनिभर्सल पावर (९.८०%), नेपाल हाइड्रो डेभलपर्स (९.०७%)।धेरै घटेका कम्पनीहरू: एसबीआई बैंक (४.१७%), विन नेपाल लघुवित्त (४.०२%), ग्रिन डेभलपमेन्ट बैंक (३.९६%)।
