बीरगन्ज,०८ असाेज । जेनजी आन्दोलनका क्रममा सुन्धारास्थित केन्द्रीय कारागारबाट फरार भएका एक कैदीलाई प्रहरीले पर्साबाट पक्राउ गरेको छ।
पक्राउ पर्नेमा कालिकामाई गाउँपालिका–५ का ४० वर्षीय मुक्तिनारायण कुर्मी रहेका छन्। जिल्ला प्रहरी कार्यालय पर्साका डीएसपी हरि बस्नेतका अनुसार मंगलबार आफ्नै गाउँमा लुकेर बसिरहेको अवस्थामा उनलाई पक्राउ गरिएको हो।
पत्नी संगीता देवी कुर्मीको हत्या अभियोगमा पर्सा जिल्ला अदालतले उनलाई २५ वर्ष कैद सजाय तोकेको थियो। भदौ २४ गतेको प्रदर्शनको मौका छोपी उनी कारागारबाट भागेका थिए।
पक्राउ परेका कुर्मीलाई पुनः थुनामा राख्न सुन्धारा कारागार पठाइने प्रहरीले जनाएको छ।
