हेटौंडा,१६ माघ । बागमती प्रदेशसभाद्वारा हालसम्म ८९ वटा कानुन निर्माण गरिएको छ। यद्यपि ९० वटा विधेयक पारित भए पनि तीमध्ये एक विधेयक प्रदेश प्रमुखबाट प्रमाणीकरण नहुँदा हालसम्म राजपत्रमा प्रकाशित भएको छैन। प्रदेशसभामा हाल तीन वटा विधेयक सभा, समिति तथा सचिवालयमा विचाराधीन अवस्थामा रहेको छ। प्रदेशसभाको आठौं वार्षिकोत्सवको अवसरमा आयोजित पत्रकार सम्मेलनमा प्रदेशसभाका सभामुख अप्सरा चापागाईले प्रदेशसभा स्थापनादेखि हालसम्मको संक्षिप्त विवरण प्रस्तुत गरिन्। उनले भनिन् कि पाचौं अधिवेशनमा ६ वटा बैठक बसेका थिए जसमा कुल ९ घण्टा २५ मिनेट समय खर्च भएको थियो। छैटौं अधिवेशनमा २४ बैठक बसेका थिए जसमा ३९...