काठमाडौँ,१२ कातिक । बलिउडका अभिनेता गोविन्दा र सलमान खान दुई दशकपछि फेरि एउटै फिल्ममा सँगै देखिने भएका छन्। बलिउडका सञ्चारमाध्यमले यसबारे चर्चा गरिरहेका छन्।
गोविन्दा बलिउडमा लामो समयपछि कमब्याक गर्दैछन्। उनी र सलमानले सँगै अभिनय गरेको २००७ मा रिलिज भएको फिल्म पार्टनर ब्लकबस्टर साबित भएको थियो। अहिलेको नयाँ प्रोजेक्ट प्रारम्भिक चरणमा रहेको र फिल्मको शीर्षक अहिलेसम्म तय नभएको बताइएको छ।
सलमान खानले बिग बोस १९ मा गोविन्दासँग फेरि काम गर्ने संकेत दिएका थिए भने गोविन्दाले सामाजिक सञ्जालमार्फत आफ्नो कमब्याकको संकेत गर्दै “नयाँ सुरुवातका लागि तयार छु” लेखेका थिए।
यसैबीच, सलमान नयाँ फिल्म ब्याटल अफ गलवान मा आर्मी अफिसरको भूमिकामा देखिने छन्। फिल्मको निर्देशन अपूर्व लाखियाले गर्दैछन् र केही सुटिङ लद्दाखमा सम्पन्न भइसकेको छ।
यो फिल्म र दुई बलिउडका चर्चित कलाकारको पुनर्मिलनले दर्शक र फ्यानहरूमा उत्साह बढाएको छ।
