काठमाडौँ,२३ काघ । निर्वाचन आयोगले मतदाता शिक्षालाई सुदृढ बनाउने उद्देश्यले देशभरका सबै वडामा स्वयंसेवक खटाउने तयारी सुरु गरेको छ। आयोगका अनुसार जिल्लाका निर्वाचन कार्यालयमार्फत ६,७४३ वटै वडामा स्वयंसेवक परिचालन हुनेछन्।
आयोगका सहायक प्रवक्ता कुलबहादुर जिसीले जानकारी दिए कि बाल विकास सहजकर्ता, मातृ–शिशु कार्यकर्ता, महिला स्वास्थ्य स्वयंसेविका र सामुदायिक सेवा केन्द्रका परिचालक जस्ता अनुभवी व्यक्तिहरूलाई प्राथमिकतामा राखेर स्वयंसेवक नियुक्ति प्रक्रिया सुरु गरिएको हो।
मतदाता शिक्षा कार्यक्रम माघ १९ गते स्वीकृत भइसकेको छ र स्वयंसेवकहरूले मतदाता शिक्षामा केन्द्रित भएर काम गर्नेछन्। यसले मत बदर नहुने सुनिश्चित गर्नेछ। राष्ट्रियसभा सदस्य निर्वाचनमा पनि खसेको मत बदर भएकोले मतदाता शिक्षाको आवश्यकता आयोगले औँल्याएको छ।
स्वयंसेवकको छनोटपछि सातै प्रदेशमा फागुन ३ गते प्रशिक्षण दिइनेछ। प्रशिक्षणपछि फागुनको पहिलो साता भित्रै ७५३ स्थानीय तहका सबै ६,७४३ वडामा उनीहरू परिचालन गरिनेछ।
