काठमाडौं,०९ असार । यस वर्षको माध्यमिक शिक्षा परीक्षा (एसईई) को नतिजा प्रकाशनमा ढिलाइ हुने भएको छ। राष्ट्रिय परीक्षा बोर्डले असारको तेस्रो साताभित्र नतिजा सार्वजनिक गर्ने तयारी गरेको छ। यसअघि असार ६ गतेभित्र नतिजा प्रकाशन गर्ने गरी कार्यतालिका तय गरिएको थियो। राष्ट्रिय परीक्षा बोर्ड परीक्षा नियन्त्रण कार्यालय, कक्षा १० का परीक्षा नियन्त्रक डा। गणेशप्रसाद भट्टराईका अनुसार, गत चैतमा शिक्षकहरूले गरेको सडक आन्दोलनका कारण उत्तरपुस्तिका परीक्षण कार्यमा ३२ दिनको ढिलाइ भएको हो। चैत २० गतेदेखि वैशाख १७ गतेसम्म शिक्षकहरूको आन्दोलनले उत्तरपुस्तिका समयमा परीक्षण हुन सकेको थिएन। उत्तरपुस्तिका परीक्षण र सम्परीक्षणको काम सकिएर...