बारा,२९ माघ । बाराको क्षेत्र नम्बर ३ बाट प्रतिनिधि सभा सदस्य उम्मेदवार ई. अरविन्द साहले आज कलैया उपमहानगरपालिका–९, रामपुरमा घरदैलो कार्यक्रम गर्दै कृषिसँग सम्बन्धित मुद्दा सम्बोधन गर्ने बताएका छन्। रामपुरका किसान र स्थानीयवासीसँग संवाद गर्दै साहले भने, “कृषि क्षेत्रलाई व्यवस्थित नगरी समग्र विकास सम्भव छैन। समयमै मल र गुणस्तरीय बिउ उपलब्ध गराउनु राज्यको पहिलो दायित्व हो।” उनले थपे, “किसानले लाइनमा बस्नुपर्ने अवस्था अन्त्य हुनुपर्छ । मल, बिउ र सिचाइ सुनिश्चित नगरी उत्पादन बढ्दैन।” साहले सिचाइ प्रणालीको विस्तार र मर्मतलाई प्राथमिकतामा राख्ने बताए। वर्षातमा भर पर्ने परम्परागत खेती प्रणालीबाट किसानलाई मुक्त...