काठमाडौं,०५ चैत । टीकापुर घटनाका मुख्य दोषी ठहरिएका पूर्वसांसद रेशम चौधरीलाई दिइएको आममाफीविरुद्धको रिटमा आज सर्वोच्च अदालतमा सुनुवाइ सुरु भएको छ। राष्ट्रपति कार्यालयलाई विपक्षी बनाउँदै दायर गरिएको उक्त मुद्दा न्यायाधीशद्वय अब्दुल अजीज मुसलमान र श्रीकान्त पौडेलको संयुक्त इजलासमा पेश भएको हो। २०७२ सालको टीकापुर घटनामा ज्यान गुमाएका प्रहरी निरीक्षक केशव बोहराकी पत्नी शारदा बोहरा कडायतले सरकारको सिफारिस र राष्ट्रपतिको आममाफी निर्णयलाई चुनौती दिँदै रिट दायर गरेकी हुन्। यसअघि कैलाली जिल्ला अदालत र उच्च अदालत दिपायलले चौधरीलाई जन्मकैद सजाय सुनाएका थिए, जसलाई सर्वोच्च अदालतले पनि सदर गरेको थियो। तर त्यसको केही...