बीरगंज, १ ज्येष्ठ — भ्रष्टाचार अभियोग लागेका अख्तियार दुरुपयोग अनुसन्धान आयोगका पूर्व आयुक्त राजनारायण पाठक ७८ लाख धरौटीमा रिहा भएका छन् ।
- Advertisement -
बुधबार विशेष अदालतले उनलाई ७८ लाख रुपैयाँ धरौटीमा रिहा गर्ने आदेश दिएपछि पाठक नेपाल बंगलादेश बैंकको बैंक ग्यारेन्टी बुझाएर रिहा भएका हुन ।
पाठकलाई भक्तपुरको चाँगुनारायणस्थित नेपाल इन्जिनियरिङ कलेजको विवाद सुल्झाउने भन्दै ७८ लाख रुपैयाँ घुस लिएको अभियोगमा अख्तियारले विशेष अदालतमा मुद्धा दायर गरेको थियो ।
- Advertisement -
आयुक्त वहाल रहेकै बेला घुस लिएको भिडियो सार्वजनिक भएपछि पाठकले ३ फागुनमा पदबाट राजीनामा दिएका थिए ।
राजीनामा पछि छानविन थालेको अख्तियारले अनुसन्धान गर्ने क्रममा पाठकले आफूले घुस लिएको स्वीकार गरेका थिए ।
