बीरगंज, २ ज्येष्ठ — पश्चिमी न्यून चापीय प्रणालीको प्रभावले आज देशभर आंशिक तथा सामान्य बदली हुनाका साथै मेघ गर्जनसहित क्षणिक वर्षाको सम्भावना रहेको जल तथा मौसम पूर्वनुमान महाशाखाले जनाएको छ ।
बङ्गालको खाडीबाट आएको जलवाफयुक्त हावा, स्थानीय वायुको प्रभाव तथा पूर्वी क्षेत्रमा बनेको न्यून चापीय रेखाले बदली र हावाहुरीसहित वर्षा भइरहेको मौसामविदले अनुमान गरेका छन । मौसमबिदका अनुसार शनिबार फेरि पश्चिमी वायु नेपाल प्रवेश गर्ने भएकाले पुनः बदली हुने छ ।
तीन दिनको मौसम
जेठ २ गते
दिउँसो
देशको पूर्वी भूभाग तथा मध्य र पश्चिमि पहाडी भूभागमा आंशिकदेखि सामान्य बदली रही बाँकी भूभागमा मौसम सामान्यतया सफा हुने देखिन्छ । देशको पूर्वी भूभागका तथा मध्य र पश्चिमी पहाडी भूभागका थोरै स्थानहरूमा अपरान्हतिर मेघ गर्जनसहित वर्षाको सम्भावना रहेको छ ।
राति
देशको पूर्वी भूभाग तथा मध्य र पश्चिमी पहाडी भूभागमा आंशिक बदली रही बाँकी भूभागमा मौसम सामान्यतया सफा हुने देखिन्छ । देशका पहाडी भूभागका थोरै स्थानहरूमा मेघ गर्जनसहित क्षणिक वर्षाको सम्भावना रहेको छ ।
जेठ ३ गते
दिउँसो
देशको पहाडी भूभागमा आंशिकदेखि सामान्य बदली रही बाँकी भूभागमा मौसम सामान्यतया सफा हुने देखिन्छ । देशका पहाडी भूभागका एक वा दुई स्थानमा अपरान्हतिर मेघ गर्जनसहित क्षणिक वर्षाको सम्भावना रहेको छ ।
राति
देशका पहाडी भूभागमा आंशिक बदली रही बाँकी भूभागमा मौसम सफा हुने देखिन्छ । देशका पहाडी भूभागका एक वा दुई स्थानमा मेघ गर्जनसहित क्षणिक वर्षाको सम्भावना रहेको छ ।
जेठ ४ गते
दिउँसो
देशको पहाडी भूभागमा आंशिक बदली रही बाँकी भूभागमा मौसम सामान्यतया सफा हुने देखिन्छ । देशका पश्चिमी पहाडी भूभागका थोरै स्थानमा तथा मध्य र पूर्वी भू भागका एक वा दुई स्थानमा अपरान्हतिर मेघ गर्जनसहित क्षणिक वर्षाको सम्भावना रहेको छ ।
राति
देशका पहाडी भुभागमा आंशिक बदली रही बाँकी भूभागमा मौसम सफा हुने देखिन्छ । देशका पहाडी भूभागका एक वा दुई स्थानमा मेघ गर्जनसहित क्षणिक वर्षाको सम्भावना रहेको छ ।
