बीरगंज, ११ जेठ — भारत गुजरातको सुरतमा ट्युसन सेन्टरमा आगलागी हुँदा मृत्यु हुनेको संख्या २० पुगेको छ । तक्षशिला भवनको तेस्रो र चौथो तलाको कक्षाकोठामा पढिरहेका कम्तिमा २० जना विद्यार्थीहरुको मृत्यु छ भने २० भन्दा बढी घाइते भएका छन् ।
शुक्रबार भएको आगलागीमा घाइते विद्यार्थीको गुजरातका अस्पतालमा उपचार भइरहेको भारतिय सन्चारमाध्यमले जनाएका छन् । मृत्यु हुनेहरु सबै २० बर्षभन्दा मुनिका रहेका छन् ।
विद्यालय भवनको छाना ज्वलनशील बस्तु भएकोले आगो छिटो फैलिँदा धेरै जनधनको क्षति भएको अनुमान गरिएको छ । आगो नियन्त्रणका लागि १९ वटा दमकलको प्रयोग गर्नु परेको थियो।
गुजरातका मुख्यमन्त्री विजय रुपाणीले मृतक विद्यार्थीका परिवारलाई चार लाख राहत दिने घोषणा गर्नुभएको छ ।
प्रधानमन्त्री नरेन्द्र मोदीले ट्वीट गर्दै घटनाका प्रभावितलाई सक्दो सहयोग गर्न गुजरात सरकार र स्थानीय प्रशासनलाई निर्देशन दिनुभएको छ ।
