9.1 C
Kathmandu
17.6 C
Birgunj

समीरविरुद्ध मुद्धा हाल्दै शाहरुख

सिफारिस

नेपाल पाेष्ट डेलीhttps://nepalpostdaily.com
Nepal post daily is Nepal's Leading news website. Contact Person Santosh Sah : 9807184362 Office : 051520040

मुम्बई(बलिउड हंगामा)– अभिनेता शाहरुख खानले नार्कोटिक्स कन्ट्रोल ब्युरो(एनसीबी)का उच्च अधिकारी समीर वानखण्डेविरुद्ध मुद्धा हाल्ने तयारी गरेका छन् । मुम्बईबाट गोवा जाँदै गरेको पानीजहाजमा रेव पार्टी गरिरहँदा शाहरुखका छोरा आर्यनसहित ८ जनालाई गत अक्टोबर ३ मा एनसीबीको टोलीले छापा मारेर पक्राउ गरेको थियो ।

- Advertisement -

एनसीबीले आर्यनसहित उनका साथी अरबाज मर्चेन्ट र मुनमुन धामेचाले लागुऔषध प्रयोग गरेको दाबी गर्दै अदालतमा मुद्धा दर्ता गराएको थियो । पक्राउ परेपछि आर्यन करिब २५ दिनसम्म मुम्बई आर्थर रोड जेलमा बसेका थिए ।

छोरा आर्यन जेलमा परेपछि शाहरुख र उनकी पत्नीको अवस्था तनावपूर्ण बनेको थियो । तर गत अक्टोबर २८ मा अदालतले आर्यनलाई जमानतमा रिहा गरेपछि उनी तारिख धाउदै थिए । छोराको विषयमा मौन रहेका शाहरुखले अब भने आफ्नो मौनता तोड्ने भएका छन् ।

समाचारअनुसार शाहरुख आफ्नो कानूनी टिममार्फत समीरविरुद्ध अदालत जाने तयारीमा छन् । आर्यनका विषयमा गत शनिबारमात्र बम्बे उच्च अदालतले आर्यनविरुद्ध कुनै प्रमाण फेला नपरेको र ह्वाट्सएपमा पनि कुनै शंकास्पद च्याट नभेटिएको जनाएको थियो ।

अदालतको निर्णयले राहतको श्वास फेरेका शाहरुख आर्यनलाई पक्राउ गर्नुपर्ने कारण माग गर्दै समीरविरुद्ध अदालत जाँदैछन् । आर्यनसहित उनका साथीहरुलाई पक्राउ गर्नमा समीरको प्रमुख हात रहेको शाहरुखको बुझाई छ । त्यसो त शाहरुखले आफैं पनि समीरका कारण कुनै बेला एयरपोर्टमा एक लाख रुपैंयाँ राजस्व तिर्नुपरेको थियो ।

शाहरुख निकट एक साथीका अनुसार शाहरुख चाँडोभन्दा चाँडो समीरविरुद्ध अदालत जाँदैछन् । ‘आर्यनविरुद्ध एनसीबीले गलत प्रमाण पेश गरेपछि शाहरुख त्यसकाविरुद्ध कडा रुपमा प्रस्तुत हुने तयारीमा छन्’, ती साथीले भनेका छन् ।

- Advertisement -spot_img

ताजा समाचार

थप समाचार

- Advertisement -