बीरगन्ज,१९ चैत ।
पर्साको पोखरिया नगरपालिकामा बिगत ५ दिन देखि लागेको ताला खुल्न सकेको छैन् । पोखरिया नगरपालिकाको प्रमुख प्रशासकीय अधिकृतको सरुवाको बिषयमा जारी बिवादका बिच नगरपालिका कार्यालयमा स्थानियहरुले तालाबन्दी गरेका थिए । कार्यालयमा लगाइएको ताला खलाउने बिषयमा सर्वपक्षिय छलफलको प्रयास भईरहेको नगरपालिकाका मेयर दिपनारायण रौनियारले बताए ।
नगर प्रमुख रौनियारले नगरपालिकाको काम कारवाही थप गर्ने गरी स्थनिय बिपक्षी नेताहरुको दवावमा पटक पटक प्रमुख प्रशासकीय अधिकृतको मन्त्रालयले सरुवा गर्ने काम मात्र गरेको भन्दै असन्तुष्टी पोखे । नगरपालिकाको विकास निर्माण लगायतका अन्य काम कसरी राम्ररी अगाडी बढछ भन्ने बिषयमा आफु गम्भीर रहेको रौनियारले बताए । उने शनिवार छलफलका लागि सबै पक्षलाई बोलाइएको वताउदै कुरा मिले आज भोलीमै कार्यालयको ताला खुल्ने दावी गरे ।
हाकिमको हाजिरी गराउने÷ नगराउने ठूला बिषय नभएको भए पनि कार्यालयलाई जनकारी बिना कोहि हाकिम हाजिर हुन आउछ भन्ने कसरी हाजिर गराउन सकिन्छ भन्ने प्रश्न उठे को मेयर रौनियारले बताए ।
कार्यालयमा बिगत ५ दिन देखि तालाबन्दी हुँदा विकास निर्माणका कार्य सहित जनताको प्रशासनिक कार्य समेत प्रभावित बनेको छ । बिभिन्न वडाहरुबाट नगरपालिकामा सेवाका लागि पुग्ने गरेको सेवाग्राहीहरु रितो हात फर्किने बाध्य छन् । पोखरिया नगरपालिकामा पहिला देखि प्रमुख प्रशासकीय अधिकृतको रुपमा संदेश यादव कार्यरत रहेको भए पनि उनलाई हटाएर मन्त्रालयले अशोक रौनियारलाई पठाए पछि बिवाद सृजना भएको थियो ।
नगरपालिकामा एक पक्षले रौनियारलाई हाजिर गराउनु पर्ने तथा अर्को पक्षले हाजिर गराउन नहुने भन्दै आएको छ । दुई पक्षको बिवादका कारण स्थानियहरुले पोखरिया नगरपालिकामा तालाबन्दी गरेको थियो । सरकारले घोषणा गरेको स्थानिय चुनावको अचार संहिता लागु हुन केहि दिन मात्र बाकी रहदा नगरपालिकामा बिवाद देखिएको छ ।
नगर कार्यालयमा लागेको ताला खोलाउन प्रयास भइरहेको नेताहरुले बताए पनि खुल्ने सम्भवना अझै नदेखिएको स्थानियहरुको भनाई छ । नेता तथा कर्मचारीलाई जनताको कामसँग कुनै मतलब नरहेको स्थानिय अगुवाहरुको गुनासो छ ।
