काठमाडौं, २१ चैत्र । यदि तपाईं धेरैजसो काम ल्यापटपमा गर्नुहुन्छ र सधैं चार्ज गर्ने सुविधा नपाइरहनु भएको छ भने, ल्यापटपको ब्याट्री बचाउने उपायहरू अपनाउनु आवश्यक छ। यसको एक सजिलो तरीका भनेको एपहरूको ब्याट्री खपत ट्र्याक गर्नु हो।
यसरी, तपाईं अनावश्यक एपलाई अनइन्स्टल गरेर ब्याट्री बचत गर्न सकिन्छ ।
विन्डोजमा एप ट्र्याक गर्ने तरिका:
‘Start Menu’ खोल्नुहोस् र ‘Settings’ मा जानुहोस्।
‘System’ मा क्लिक गरेर ‘Power & Battery’ अप्सन खोल्नुहोस्।
‘Battery Usage’ मा क्लिक गरेर कुन एपले कति ब्याट्री खपत गरिरहेको छ, हेर्न सकिन्छ।
यदि कुनै एप धेरै ब्याट्री खपत गर्दैछ भने, त्यसलाई ब्याकग्राउन्डमा नचल्ने बनाउन वा अनइन्स्टल गर्न सकिन्छ।
म्याकमा एप ट्र्याक गर्ने तरिका:
मेनु बारमा रहेको ब्याट्री आइकनमा क्लिक गर्नुहोस्।
‘Using Significant Energy’ अप्सनमा सबैभन्दा बढी ब्याट्री खपत गर्ने एपहरूको सूची देख्न सकिन्छ।
यदि कुनै एप प्रयोगमा छैन भने, त्यसलाई राइट क्लिक गरेर ‘Quit’ गरेर बन्द गर्न सकिन्छ।
ब्याट्री बचाउनका लागि सक्रिय नभएका एपलाई बन्द गर्नु महत्त्वपूर्ण छ, जसले ल्यापटपको कार्यसम्पादनलाई पनि असर गर्दैन।
