काठमाडौँ,२३ चैत । चर्चित भारतीय अभिनेत्री तथा डान्स सुपरस्टार नोरा फतेही पहिलो पटक नेपाल आउन लागेकी छिन्। ‘ह्युमन रेस्पेक्ट नेपाल’को सहयोगार्थ आयोजना हुने च्यारिटी कार्यक्रम ‘नोरा फतेही लाइभ इन नेपाल’ मा सहभागी हुन उनी नेपाल आउन लागेकी हुन्।
कार्यक्रमको आयोजना वल्र्डवाइड फिल्मस् नेटवर्क प्रालिले गर्नेछ भने व्यवस्थापन मनु मिडिया प्रालिले गर्ने बताइएको छ। संस्था अध्यक्ष देव मगरका अनुसार आगामी २०८२ साल जेठ ३ गते, काठमाडौंको बौद्धस्थित हायात चौरमा कार्यक्रम आयोजना हुनेछ।
नोरा फतेहीले एक श्रव्यदृश्य सन्देशमार्फत भनिन्, “यो मेरो पहिलो नेपाल भ्रमण हुनेछ। यहाँको मायाले मलाई हर्षित बनाएको छ। सामाजिक सेवामा आधारित यो कार्यक्रममा सबैको साथ चाहिन्छ।”
उनसँगै मुम्बईबाट २० भन्दा बढी नृत्याङ्गनाहरु पनि नेपाल आउने छन्। फतेहीका हिट गीतहरू ‘दिलबर दिलबर’, ‘ओ साकी साकी’, ‘कुसु कुसु’, ‘नाच मेरी रानी’ लगायत नेपालमा पनि अत्यधिक लोकप्रिय छन्।
