बुटवल,०१ कात्तिक । रुपन्देहीको सिद्धार्थनगर नगरपालिका–६, भैयाटोल (चित्रगुप्त पथ) मा रहेको न्यू जय अम्बे अगरबत्ती तथा पूजा सामग्री प्याकेजिङ्ग उद्योगमा शनिवार बिहान आगलागी भएको छ।
स्थानीय र उद्योगका अनुसार आगलागी विद्युत सट भएर सुरु भएको हुन सक्ने अनुमान गरिएको छ। आगोले उद्योगभित्र रहेको अगरबत्ती, धूप, तेल, नगद, मेशिन, सिसिटिभी क्यामेरा र कम्प्युटर जस्ता सामग्री जलेर नष्ट भएका छन्। उद्योग सञ्चालक श्रीराम गुप्ताले अनुमानित २ करोड ३२ लाख रुपैयाँ भन्दा बढीको क्षति भएको जानकारी दिएका छन्।
सिद्धार्थनगर र तिलोत्तमा नगरपालिकाका दमकल, नेपाल प्रहरी, सशस्त्र प्रहरी, नगर प्रहरी र स्थानीयवासीको संयुक्त प्रयासमा आगो बिहान ८ बजेतिर मात्रै नियन्त्रणमा आएको छ।
