बीरगन्ज,१६ माघ । बीरगन्जस्थित नारायणी अस्पतालको ओपिडी सेवा आज शहीद दिवसको अवसरमा बन्द रहेको छ। अस्पताल प्रशासनले सार्वजनिक बिदा परेको कारणले आज ओपिडी सञ्चालन नभएको जानकारी दिएको छ।
अस्पतालले जारी गरेको सूचनाअनुसार, ओपिडी बन्द भए पनि आकस्मिक सेवा, भर्ना, प्रयोगशाला, फार्मेसी लगायतका अन्य अत्यावश्यक सेवाहरू नियमित रूपमा उपलब्ध हुनेछन्। अस्पताल प्रशासनले बिरामी तथा सेवाग्राहीलाई पर्न सक्ने असुविधाप्रति क्षमायाचना गर्दै, आवश्यक सेवा लिन आकस्मिक कक्षमा सम्पर्क गर्न आग्रह गरेको छ।
