काठमाडौं,०२ चैत । मिटरब्याज पीडकहरूलाई कडा कारबाही गर्न माग गर्दै पीडितहरूले सोमबार काठमाडौंमा प्रदर्शन गरेका छन्। भद्रकालीस्थित जिल्ला प्रहरी परिसरमा पक्राउ परेका पीडकहरूलाई तत्काल कारबाही गर्न सरकारसँग दबाब दिन उनीहरूले प्रदर्शन गरेका हुन्।
पीडकहरू शान्ति तिवारी र विनय टिवटेवालाल सहितका व्यक्तिहरू अहिले प्रहरी नियन्त्रणमा छन्। लाखौँ रुपैयाँ ठगी गर्ने उनीहरूलाई कारबाही गर्न आफूहरू यहाँ आएको पीडित मञ्जु श्रेष्ठले बताइन्। “हामी यस्ता कुख्यात मिटरब्याजीहरूलाई निर्मूल पार्नुपर्छ र हदैसम्म कारबाही गर्नुपर्छ,” उनले भनिन्। उनका अनुसार यहाँ ५ सयभन्दा बढी पीडित उपस्थित थिए, तर ४५ जनाले मात्र उजुरी दर्ता गरिसकेका छन्।
प्रदर्शनमा सहभागी सुनिता चापागाईँ खतिवडाले भने, “ठगी गर्ने गिरोहलाई प्रहरीले नियन्त्रणमा लिएकोमा हामी सरकार, प्रहरी र अदालतलाई धन्यवाद दिन चाहन्छौं। यस्तो अपराधमा संलग्नहरूलाई सरकारले उन्मुक्ति दिनु हुँदैन।” उनले थपिन् कि नेपालमा लाखौँ मानिस मिटरब्याज पीडकको शिकार बनेका छन्।
केही वर्षयता नेपालमा मिटरब्याज पीडितहरूले न्यायका लागि सरकारसँग कडा कारबाहीको माग गर्दै प्रदर्शन गर्दै आएका छन्।
