काठमाडाै,१७ चैत । नेकपा एमालेले पार्टी अध्यक्ष केपी शर्मा ओली पक्राउ परेको विषयलाई लिएर देशव्यापी आन्दोलन गर्ने घोषणा गरेको छ। मंगलबार बसेको केन्द्रीय सचिवालय बैठकले विभिन्न चरणमा प्रदर्शन र विरोध कार्यक्रम गर्ने निर्णय गरेको हो।
पार्टीका महासचिव शंकर पोखरेलका अनुसार चैत २४ गते सबै जिल्ला कमिटीहरूले वृहत कार्यकर्ता भेला आयोजना गर्नेछन्। त्यसपछि पालिका, वडा र प्रदेश तहमा क्रमशः विरोध कार्यक्रम अघि बढाइनेछ।
त्यस्तै वैशाख ३ गते वडा तहमा भेला, वैशाख ७ गते प्रदेश राजधानीहरूमा प्रदर्शन तथा वैशाख १२ गते काठमाडौंमा केन्द्रीय विरोध सभा गर्ने निर्णय गरिएको छ।
एमालेले अध्यक्ष ओलीको पक्राउलाई लिएर चरणबद्ध रूपमा देशव्यापी आन्दोलन गर्ने तयारी गरेको जनाएको छ।
