काठमाडौं,२३ जेठ । नयाँ दिल्लीस्थित जन्तर–मन्तरमा भइरहेको प्रदर्शनका क्रममा सम्भावित झडप रोक्न प्रहरीले ६ जनालाई नियन्त्रणमा लिएको छ।
कक्रोच जनता पार्टीद्वारा आयोजित प्रदर्शनमा समर्थक र विरोधी समूहबीच तनाव सिर्जना हुन सक्ने सूचना पाएपछि सुरक्षाकर्मीहरूले पूर्वसावधानीका रूपमा उनीहरूलाई नियन्त्रणमा लिएको जनाएको छ।
दिल्ली प्रहरी का अनुसार प्रदर्शनस्थल आसपास अशान्ति फैलाउने प्रयास भइरहेको आशंकामा ती व्यक्तिहरूलाई नियन्त्रणमा लिइएको हो।
प्रदर्शन जन्तर–मन्तर क्षेत्रमा भइरहेको छ। हालसम्म अवस्था नियन्त्रणमै रहेको र कुनै अप्रिय घटना नभएको प्रहरीले स्पष्ट पारेको छ। प्रहरीले शान्ति सुरक्षा कायम राख्न थप निगरानी बढाइएको जनाएको छ।
