काठमाडौं,२७ जेठ । विज्ञान, प्रविधि तथा नवप्रवर्तन मन्त्री महावीर पुन ले आजदेखि सिंहदरबारमै बस्ने गरी आफ्नो आवश्यक सामान सारेका छन्।
मन्त्री पुनले सरकारी कामलाई थप प्रभावकारी, चुस्त र परिणाममुखी बनाउन कार्यालय नजिकै रहने निर्णय गरेको बताइएको छ। सिंहदरबारमै बस्ने व्यवस्थासँगै मन्त्रालयका कामकारबाहीमा थप समय दिन र सेवाग्राहीका समस्यामा छिटो प्रतिक्रिया दिन सहज हुने अपेक्षा गरिएको छ।
उनको यो कदम सार्वजनिक भएपछि सामाजिक सञ्जालमा व्यापक चर्चा सुरु भएको छ। कतिपयले यसलाई सादगी र कार्यसम्पादनप्रतिको प्रतिबद्धताको उदाहरणका रूपमा व्याख्या गरेका छन् भने केहीले यसको व्यावहारिक पक्षबारे प्रश्न समेत उठाएका छन्।
महावीर पुनको यो निर्णयले सरकारी कार्यशैली र सार्वजनिक सेवामा नयाँ बहसको सुरुवात गराएको छ।
