काठमाडौं– एसीसी यु–१६ पूर्वी क्षेत्रीय प्रतियोगितामा नेपाल फाइनलमा प्रवेश गरेको छ। नेपालले शनिबार भएको खेलमा हङकङलाई ४ विकेटले हराएर फाइनलमा स्थान पक्का गरेको हो।
पहिले ब्याटिङ गरेको हङकङ ३२.२ ओभरमा ८६ रनमा अलआउट भयो। हङकङका लागि आरुस भागवतले सबैभन्दा बढी ४३ रन जोडे। उनले ८३ बलमा ४ चौका हिर्काए। अन्य कुनै पनि ब्याट्सम्यानले दोहोरो अंकमा रन बटुल्न सकेनन्।
बलिङमा नेपालका निखिलकुमार सिंहले ४ विकेट लिए। विशाल कुमार पटेलले २ विकेट हात पारे। रमेश कुर्मीले २ र तिलकराज भण्डारीले १ विकेट हात पारे।
.jpg)
८७ रनको लक्ष्य नेपालले २१.४ ओभरमा ६ विकेटको क्षतिमा पार गर्यो। नेपालका लागि ओपार दीपक बोहरा ११ र उनका पार्टनर सुवास ऐरले १० रन जोडे। आसिस भट्टराईले १७ रन जोडे भने रोहन विकले १४ र कृष्ण कार्कीले १२ बटुले।
बलिङमा बृज श्रेपुरीले ३ विकेट र अहान त्रिवेदीले २ विकेट लिए।
.jpg)
.jpg)
