वीरगन्ज,२० बैशाख – भोजपुरी साहित्यका भिष्मपिता भनेर चिनिने बरिष्ठ साहित्यकार पं. दिपनारायण मिश्रको बिहिवार राती १० : ३८ बजे ८३ बर्षको उमेरमा निधन भएको छ । वहाँ बिगत लामो समय चिनी,दम तथा मुटु सम्बन्धि रोगबाट ग्रसित हुनुहुन्थ्यो । पछिल्लो महिनामा वहाँ योछ्यानबाट उठनै नस्ने अवस्थामा पुग्नु भएको थियो । वीरगन्ज महानगर वडा नं. ७ रामटोल निवासी मिश्रको आफ्नै निवासमा निधन भएको हो ।
नेपालमा भोजपुरी साहित्यका अग्रणी योद्धाका रुपमा रहनु भएका मिश्र भोजपुरी पत्रिकानिकाल्ने क्रममा जेलमा समेत पर्नु भएको थियो । नेपालमै पहिलो पटक वहाँले भोजपुरी साहित्यिक पत्रिका समाद निकाउनु भएको थियो भने उपन्यास,गजल,कविता,निबन्ध,गित लगायतका क्षेत्रमा कलम चलाउनु भएका थिए । पेशाले शिक्षक रहेका वहाँले वीरगन्जको शिक्षा क्षेत्रमा ठूलो गुण लगाउनु भएको छ ।
उनका कृतिहरुमा अजुरी के फुल,उत्सर्ग,असली नेता हम कहाई निकै चर्चित भएको थियो । मिश्र द्धारा लिखित दर्जन भन्दा बढी कृतिहरु प्रकाशित रहेका छन् । भोजपुरी भाषाको सम्बर्धन प्रर्बधनको लागि पं. मिश्रले पहिलो पटक २०२९ सालमा नेपाल भोजपुरी समाज सस्थाको स्थापना गर्नु भएको थियो । संस्थाको स्थापक अध्यक्ष रहनु भएको मिश्रलाई प्रज्ञा प्रतिष्ठान द्धारा प्रदान गरिने युवा साहित्य पुस्कार प्रदान गरिएको थियो ।
त्यसै गरी भोजपुरी भाषाको उत्थानको लागि योगदान पु¥याएको भन्दै भोजपुरी क्षेत्रबाट प्रदान गरिने प्राय सवै पुस्कारबाट वहाँ पुरस्कृत भई सक्नु भएको छ । उनलाई वीरगन्जमा नागरिक समाजले अभिन्दन पनि गरिएका थिए । मिश्रलाई आजै हिन्दु सस्कृति परम्परा अनुसार दाहसंस्कार गर्ने पवारिक स्रोतले जनाएको छ । उनको शवलाई वीरगन्जमा परिक्रममा पश्चात १० बजे पछि दाहसंस्कार गरिने उनका छोरा मनोज मिश्रले वताउनु भयो ।
