रामकिशोर चौधरी/पर्सा – पर्सा प्रहरीले लागु औषध गाँजा सहित दुई जनालाई पक्राउ गरेको छ । पर्साको वीरगन्ज महानगरपालिका वडा ३१ मिलन चौकबाट विशेष सुराकीको आधारमा २० किलो गाँजा सहित उनीहरुलाई पक्राउ गरिएको इलाका प्रहरी कार्यालय पर्टेवा सुगौलीले जनाएको छ ।
प्रहरी चौकी मिलन चौकको प्रहरी सहायक निरिक्षक विष्णु प्रसाद विडारीको नेतृत्वमा गएको प्रहरी टोलीले जिल्ला मकवानपुर राक्सिङ गाउँपालिका वडा नं. १ सानोभावा बस्ने २० बर्षकी मार्था मोक्तान र सोहि स्थान वस्ने बर्ष २४को संंदेश गोलेलाई पक्राउ गरिएको प्रहरीले जनाएको छ ।
जितपुर बाट रङगपुर टाडी ना २ ह ४५५७ को अटोमा गइरहेको क्रममा प्रहरीले चेक जाचको गर्दा झोलाबाट गाँजाको पोका बरामद भए पछि उनीहरुलाई नियन्त्रणमा लिइएको थियो । पक्राउ परेकाहरुलाई थप अनुसन्धान लागि जिल्ला प्रहरी कार्यालय पर्सामा बुझाएको प्र.ना.नि..आशिष अधिकारीले बताउनु भयो ।
