काठमाडौँ, २३ बैशाख — त्रिभुवन अन्तर्रा्ष्ट्रिय विमानस्थलबाट तस्करी गरी सुन ल्याउन सहयोग गरेको आरोपमा विमानस्थलका एक कर्मचारी पक्राउ परेका छन् ।
महानगरीय प्रहरी परिसर काठमाडौंले सेटिङमा अवैध सुन ल्याएको आरोपमा त्रिभुवन अन्तर्रा्ष्ट्रिय विमानस्थलभित्र काम गर्ने वायु सेवा निगमका कर्मचारी रञ्जित कुमार यादवलाई आइतबार राती पक्राउ गरेको हो ।
पक्राउ परेका यादवको साथबाट प्रहरीले १०/१० तोलाको ३ वटा बिस्कुट आकारको सुन बरामद गरेको छ । प्रहरी परिसरका अनुसार विमान अवतरण भइसकेपछि धावन मार्गमै पुगेर यादवले सुन बुझ्ने र लुकाएर विमानस्थल बाहिर ल्याउने गर्थे ।
विमानस्थल प्रहरीले यादवका गतिविधि शंकास्पद लागेपछि उनलाई नियन्त्रणमा लिएको थियो ।
