एजेन्सी । आतंकवादी संगठन इस्लामिक स्टेट९आइएस०ले भारतीय भूमिलाई समेटेर नयाँ विलाया अर्थात् प्रान्तको घोषणा गरेको छ । इस्लामिक स्टेटसँग आवद्ध समाचार संस्था अमाकले जारी गरेको विज्ञप्तिमा भारतीय भूमिलाई नयाँ विलाया अल हिन्द अर्थात् भारतीय प्रान्तको संज्ञा दिएको हो ।
भारत प्रशासित कश्मीरको सोपियान जिल्लामा रहेको अम्सिपोरा क्षेत्रमा भारतीय सुरक्षा बल र इस्लामिक स्टेटसँग आबद्ध लडाकुबीच भीडन्त भएको समाचार सम्प्रेषण गर्दै अमाकले विलाया अल हिन्दमा आफ्ना ‘सेना’ ले भारतीय सुरक्षा बलमाथि क्षति पु¥याएको दाबी गरेको हो ।
इस्लामिक स्टेटले यसअघि सिरिया र इराकसहित उत्तर अफ्रिका, इजिप्ट, लिबिया, नाइजेरिया, यमन, अफगानिस्तान र पाकिस्तान तथा विश्वका अन्य क्षेत्रलाई समेटेर विलायाको घोषणा गर्दै आएको छ । तर, इस्लामिक स्टेटले यसअघि भारतीय भूमिलाई भने आफ्नो ‘प्रान्त’ को घोषणा गरेको थिएन ।
हाल सिरिया र इराकमा निकै नै कमजोर रहेको इस्लामिक स्टेटले विश्वका अन्य क्षेत्रमा आफ्नो प्रभाव देखाउनका लागि नयाँ स्थानमा आफ्ना प्रान्तको स्थापना गरेको हुनसक्ने बताइएको छ ।
यसअघि इस्लामिक स्टेटले नै श्रीलंकामा गराएको श्रृङ्खलाबद्ध आत्मघाती बम आक्रमणमा २ सय ५० भन्दा धेरैको मृत्यु भएको थियो । दक्षिण एशियामा इस्लामिक स्टेटले आफ्नो तागत देखाउनका लागि आक्रमण गरेको हुनसक्ने आशंका गरिएको थियो ।
केही समयअघि इस्लामिक स्टेटका प्रमुख अबु बकर बगदादीले जारी गरेको भिडियोमा विलाया तुरकिया अर्थात् ‘इस्लामिक स्टेटको टर्की प्रान्त’ लेखिएको पुस्तक पढिरहेको देखिएको थियो । यसअघि इस्लामिक स्टेटले टर्कीमा आफ्नो ‘प्रान्त’ को घोषणा भने गरेको थिएन । त्यसअघि प्रजातान्त्रिक गणतन्त्र कङ्गोको भूभाग समेटेर पनि इस्लामिक स्टेटले विलाया वसद इफरिरिकया नामक प्रान्तको घोषणा गरेको थियो ।
