बीरगंज, ३१ बैशाख — श्रीलंकामा पछिल्लो विभिन्न चर्च तथा मस्जिदमा आक्रमण हुने क्रम बढेसँगै रातको समयमा देशभर कफर्यु आदेश जारी गरिएको छ ।
मश्जिद र मुश्लिम समुदायको व्यापरिक प्रतिष्ठानमा निशाना बनाउने काम केही समयदेखि भइरहेको छ । सोमबार उत्तर पश्चिमी शहर कीनियामा रहेको एक मस्जिदमा हमला भएको थियो । मुसलमानको धार्मिक ग्रन्थ कुरानसमेत उनीहरुले च्यातिदिएका छन् भने उनीहको सवारीसाधन समेत जलाइदिएका छन् । यो हिंसामा कसैको ज्यान गएको भने पुष्ठि भइसकेको छैन ।
कतिपय स्थानमा दंगामा सामेल भीडलाई तितरबितर पार्न प्रहरीले हवाइ फायर गर्नुपरेको र अश्रुग्याँसको प्रयोग समेत गर्नुपरेको बीबीसीले जनाएको छ ।
श्रीलंकका प्रधानमन्त्री रनिल विक्रमासिंघले गलत जानकारी प्रति सचेत हुन र सुरक्षाब्यवस्था कडा पार्न आग्रह गरेका छन् । श्रीलंकामा सामाजिक सञ्जाल नेटवर्क फेसबुक, ह्वाट्सएपलगायतका सामाजिक सञ्जालमाथि अस्थायी रुपमा प्रतिबन्ध लगाएको छ ।
गएको २१ अप्रिल इस्टर पर्वमा भएको बम विस्फोटमा २ सय ५० जनाभन्दा बढीले ज्यान गुमाएका थिए । श्रीलंकामा २ करोड २० लाख मानिस बस्ने गरेका छन् । मुसलमानको संख्या झण्डै १० प्रतिशत रहेको छ । इस्टरको दिन भएको आक्रमणलाई लिएर इश्लामिक स्टेट समूहले उक्त हमलामा सामेल भएको कुरा स्वीकार गरिसकेको छ इस्टर पर्वको दिन भएको आक्रमणपछि सरकारले देशमा संकटकाल लगाएको थियो ।
