बीरगंज, १ ज्येष्ठ — भाडामा बस्ने १५ बर्षिय बालिकालाई जबरजस्ती करणी गरेको अभियोगमा एक जना ४२ बर्षिय पुरुष पक्राउ परेका छन् ।
- Advertisement -
हेटौंडा उपमहानगरपालिका वडा न. २ संगम चोकमा भाडामा बस्ने १५ वर्षीया बालिकालाई जबरजस्ती करणी गरेको अभियोगमा सोही उपमहानगरपालिका वडा न. ५ पिप्लेकुना बस्ने ४२ वर्षीय हिरालाल चौलागाईलाई प्रहरीले पक्राउ गरेको हो ।
बालिकालाई गत शनिबार जबरजस्ती करणी गरेको भन्ने खबर प्राप्त हुनासाथ जिल्ला प्रहरी कार्यालय मकवानपुरबाट खटिएको प्रहरीले चौलागाईलाई पक्राउ गरेको हो ।
यस सम्बन्धमा आवश्यक अनुसन्धान भइरहेको प्रहरीले जनाइएको छ ।
