काठमाडौं, ९ जेष्ठ — दरबार हत्याकाण्डको १८ बर्ष पुग्नै लागेका बेला दिवंगत राजा दिपेन्द्र शाहको नीजि जीवन र स्वभावबारे १७ बर्षसम्म दरबारको एडीसी भएर बसेका सुन्दर प्रताप रानाले खोलेका छन् ।
उनले पुस्तक ‘दरबारको दुखान्त’ मार्फत दिपेन्द्रको बाल्यकालदेखि दरबार हत्याकाण्डसम्मको विवरण धेरैवटा अध्यायमा व्याख्या गरेका छन् ।
दिपेन्द्रमाथि रानाले लामो व्याख्या गरेका छन् । एडिसी भएर छिर्दा देखि नै दिपेन्द्रसँग नजिक भएको उल्लेख गरेका उनले प्रशंशापूर्ण शव्द खर्चिए पनि व्याख्याका क्रममा राम्रो अभिभावकत्व नपाएका कारण दिपेन्द्र ‘उदण्ड’ जस्तै रहेको बुझ्न सकिन्छ ।
गाडीका सौखिन दिपेन्द्र अनेक प्रकरणमा असाधारण रूपमा प्रस्तुत हुन्थे । १३ बर्षको उमेरदेखि नै गोली चलाउन, गाडी हाँक्न माहिर उनी आम मानिसको जीवन जसरी बाँच्न चहाने रानाले व्याख्या गरेका छन् । शिकार गर्नका लागि पनि दिपेन्द्र सौखिन थिए ।
खासगरी, एक पटक एउटा क्लवमा बाउन्सरको भूमिकामा पनि दिपेन्द्रले आफूलाई उभ्याएको रानाले व्याख्या गरेका छन् । उनले किन त्यसो गरे ? रानाको पुस्तकले खोलेको छ ।
