वीरगञ्ज – अन्र्तराष्ट्रिय चलचित्र महोत्सवमा प्रदर्शन गर्नका लागि निर्माण गरिएको लघु चलचित्र पन्ना नं २ को ट्रेलर आईतबार सार्वजनिक हुने भएको छ ।
चलचित्रका निर्देशक तथा नायक युवराज केशरीले दोस्रो पोस्टर सार्वजनिक गर्दै ट्रेलर यहि आईतबार अर्थात जेष्ठ १२ सार्वजनिक गर्ने पक्का भएको बताएका छन् ।
युवराज केशरीको कथा, निर्देशन रहेको चलचित्रमा युवराजसँगै उत्तम राज पाण्डेय र नायिका सभ्यता गिरी फिचरिङ्ग छिन् । एन्जिला क्षेत्रीको स्क्रिनप्ले रहेको चलचित्रको सह निर्देशकमा आकाश गुप्ता रहेका छन् भने रशिकले क्यामेरा र सम्पादन सम्हालेका छन् ।
लघु चलचित्र पन्ना नं २ वीरगञ्ज लगायत आसपासका क्षेत्रमा छायांकन गरिएको छ । चलचित्र सन्देशमुलक भएको निर्माण पक्षको भनाई छ ।
समाजमा व्याप्त कुरुतीहरु विरुद्ध जनचेतना जगाउने उदेश्यले चलचित्रको निर्माण भएको छ । तन्नेरी उमेरमा आउन सक्ने समस्याहरुको सामाधान चलत्रिको मुल मुद्दा भएको निर्माण पक्षको भनाई छ ।
