काठमाडौं– मनमोहन मेमोरियल अन्तर प्रदेश यु–१६ क्रिकेट प्रतियोगितामा प्रदेश ३ ले विजयी सुरुवात गरेको छ।
- Advertisement -
त्रिवि मैदान कीर्तिपुरमा भएको उद्घाटन खेलमा प्रदेश ३ ले गण्डकी प्रदेशलाई ८ विकेटले हराएको हो। पहिले ब्याटिङ गरेको गण्डकी २७.५ ओभरमा ९९ रनमा अलआउट भयो।
- Advertisement -
गण्डकीका लागि अभिषेक थापाले २२ रन जोड्दा अमित बरालले १७ र अर्जुन कुमालले १६ रन जोडे। बलिङमा प्रदेश ३ का अजय देवले ६ विकेट लिए। उनी म्यान अफ दि म्याच भए। सक्रिया कार्की, क्रिस कार्की र दीपक बोहाराले १–१ विकेट लिए।
१०० रनको लक्ष्य प्रदेश ३ ले १६.५ ओभरमा २ विकेटको क्षतिमा पार गर्यो। उसका लागि आसिस भट्टराईले नटआउट ५९ रन जोडे। अभिषेक उपाध्याय पनि ३५ रनमा नटआउट रहे। बलिङमा गण्डकीका विश्व कार्कीले १ विकेट लिए।
