काठमाडौं । अभिनेत्री मनिषा कोइरालाको आज ५० औं जन्मदिन परेको छ । जन्मदिनको अवसरमा उनलाई विभिन्न माध्यमबाट शुभकामनाको ओइरो लागिरहेको छ । उनको जन्म १९७० अगस्ट १६मा काठमाडौंमा भएको थियो ।
- Advertisement -
उनले नेपाली र बलिउड दुबै फिल्ममा अभिनय गरेकी छन् । सन् १९८९ मा नेपाली फिल्म ‘फेरी भेटौँला’ अभिनय गरेपछि बलिउड प्रवेश गरेकी उनले बलिउड ‘सौदागर’बाट डेब्यु गरेकी थिइन ।
पछिल्लो समय नेपाल र भारतबीच सीमा विवादमा मनिषाको भनाइले चर्चा पाएको थियो । उनको देशभक्ति प्रति सबै नेपालीले खुलेर प्रशंसा गरेका थिए ।
तर भारतीय नागरिकहरुले भने उनको चर्को आलोचना गरे ।
