जनकपुर,२२ चैत । प्रधानमन्त्री केपी शर्मा ओलीले चैत २६ गते मधेश प्रदेश सभामा सम्बोधन गर्ने पक्का भएको छ।
शुक्रबार बिहान बसेको सर्वदलीय बैठकले प्रधानमन्त्रीको सम्बोधनका लागि चैत २६ गतेलाई टुंगो लगाएको हो। बैठकमा सहभागी नेकपा (माओवादी केन्द्र) का प्रदेश सांसद तथा पूर्वमन्त्री युवराज भट्टराईले सो दिन प्रधानमन्त्री ओलीले सभामा सम्बोधन गर्ने सहमति जुटेको जानकारी दिएका छन्।
प्रदेशसभामा केही समयदेखि देखिएको अवरोधका बीच प्रधानमन्त्रीको सम्बोधन तय हुनुले सदन पुनः सक्रिय हुने अपेक्षा गरिएको छ। प्रधानमन्त्री ओलीले मधेशसँग जोडिएका मुद्दा, विकासका योजना र संघ–प्रदेश समन्वयका विषयमा धारणा राख्ने सम्भावना रहेको छ।
अब सबैको ध्यान चैत २६ गतेको विशेष सम्बोधनतर्फ केन्द्रित छ।
