काठमाडौं — समीर पल कपुर, अमेरिकी विदेश मन्त्रालय का दक्षिण तथा मध्य एशिया मामिला हेर्ने सहायक विदेशमन्त्री, आज बिहान काठमाडौं आइपुगेका छन्। उनी बिहान करिब सवा ६ बजे त्रिभुवन अन्तर्राष्ट्रिय विमानस्थल मा अवतरण गरेको स्रोतले जनाएको छ।
भारतीय मूलका कपुर बालेन शाह नेतृत्वको नयाँ सरकारसँग द्विपक्षीय सम्बन्ध सुदृढ गर्ने उद्देश्यसहित नेपाल भ्रमणमा आएका हुन्। उनको भ्रमणलाई नेपाल–अमेरिका सम्बन्धको सन्दर्भमा महत्वपूर्ण कूटनीतिक पहलका रूपमा हेरिएको छ।
काठमाडौं बसाइका क्रममा कपुरले उच्चस्तरीय राजनीतिक भेटघाट गर्ने कार्यक्रम रहेको छ। उनले सरकारका प्रमुख पदाधिकारी तथा मन्त्रीहरूसँग भेटवार्ता गरी आपसी सहकार्य, क्षेत्रीय सुरक्षा र विकास साझेदारीका विषयमा छलफल गर्ने तयारी गरेका छन्।
गत वर्ष अक्टोबरमा डोनाल्ड ट्रम्प ले कपुरलाई दक्षिण एशिया मामिला हेर्ने सहायक विदेशमन्त्रीमा नियुक्त गरेका थिए। यसअघि उक्त जिम्मेवारी डोनाल्ड लु ले सम्हाल्दै आएका थिए।
तीन दिने भ्रमणका क्रममा विभिन्न कूटनीतिक तथा नीतिगत छलफलमा सहभागी हुने कपुर बुधबार स्वदेश फर्किने कार्यक्रम छ। बालेन नेतृत्वको सरकार गठनपछि नेपाल भ्रमणमा आउने उनी सबैभन्दा वरिष्ठ विदेशी कूटनीतिज्ञ भएका कारण यस भ्रमणलाई विशेष चासोका साथ हेरिएको छ।
