काठमाडौँ,०९ वैशाख । सम्पत्ति शुद्धीकरणसम्बन्धी मुद्दामा व्यवसायीद्वय दीपक भट्ट र सुलभ अग्रवालमाथि थप अनुसन्धान गर्न अदालतले सात दिनको म्याद थप गरेको छ।
काठमाडौं जिल्ला अदालतका न्यायाधीश तिलकबहादुर कार्कीको इजलासले अनुसन्धानका लागि थप ७ दिन हिरासतमा राख्न अनुमति दिएको हो।
प्रहरीले दुवैजनामाथि भइरहेको अनुसन्धानलाई निरन्तरता दिन म्याद थप माग गरेपछि अदालतले उक्त अनुमति दिएको जनाएको छ।
घटनाबारे थप अनुसन्धान जारी रहेको छ।
