काठमाडौँ, १२ वैशाख । सशस्त्र प्रहरी बल नेपालका ६ जना वरिष्ठ उपरीक्षक (एसएसपी) लाई नायव महानिरीक्षक (डीआईजी) पदमा बढुवाका लागि सिफारिस गरिएको छ।
बढुवा सिफारिस समितिले शुक्रबार गरेको निर्णयअनुसार वरिष्ठता र कार्यसम्पादनका आधारमा उनीहरूलाई डीआईजीमा उकास्न सिफारिस गरिएको हो।
सिफारिस सूचीमा पहिलो नम्बरमा दिग्विजय सुवेदी रहेका छन्। त्यसपछि क्रमशः किरण बस्नेत, माधव प्रसाद पौडेल, प्रवीण कँडेल, राजेश उप्रेती र नेत्रबहादुर कार्की रहेका छन्।
अब बढुवा प्रक्रियाको अन्तिम निर्णय सम्बन्धित निकायबाट अनुमोदन भएपछि मात्रै लागू हुनेछ।
