‘सबै कुरामा छलफल गर्छु । मिलाएर जान्छु । पार्टीको सदस्यतालाई बलियो बनाउने र अद्यावधिक गर्ने कुरामा कम्प्रोमाइज हुँदैन । वडा, जिल्ला, क्षेत्र, नगरको सभापतिले म यो काम गर्दिनँ भन्नुभयो भने जिम्मेवारी खोसिन्छ । जिल्ला सभापति छु क्रियाशील सदस्यतामा केही गर्दिनँ भन्ने कोही भयो भने उसको काम र अधिकार खोसेर अर्को साथीलाई दिन्छु,’ थापाले चेतावनी दिँदै भने, ‘क्षेत्रीय सभापतिले फर्म दायाँबायाँ गरे पनि त्यही हुन्छ । यो पार्टी कसैको प्राइभेट कम्पनी होइन । कसैले खेलाची नगर्नुस् ।’
तर पार्टीलाई मिलाएर लिएर जाने कुरामा आफू उदार रहेको उनको भनाइ छ । ‘पार्टीका नेतालाई मिलाउन अप्ठ्यारो छैन । छुट्नुभएका नेता हाम्रै नेता हो । छलफल गर्छौं, बस्छौँ । १५ औँ महाधिवेशनमा जान्छौँ । प्रतिस्पर्धा गर्छौं’ थापाले भने ।
