इंग्ल्याण्ड एण्ड वेल्स क्रिकेट बोर्ड (ईसीबी)ले एलेक्स हेल्सलाई प्रतिबन्धित औषधि सेवन गरेको भन्दै दोषी ठहर्याएको छ ।
ईसीबीले हेल्सलाई कुनै पनि क्रिकेट म्याच खेल्न नपाउने गरी २१ दिनको प्रतिबन्ध लगाएको छ । हेल्स गएको हप्ता इंग्ल्याण्डको १५ सदस्यीय विश्वकप टीमको लागि चुनिएका थिए । एलेक्सले ७ दिन अगाडि व्यक्तिगत कारण देखाउँदै काउण्टी टिम नाटिंघमशायरको लागि यो सिजनमा खेल्न असमर्थता जनाएका थिए ।
गार्जियन पत्रिकाका अनुसार दास्रो पटक पनि ड्रग टेस्टमा असफल भएपछि उनीमाथि प्रतिबन्ध लगाइएको हो ।
विश्वकपको तयारीमा लागेको इंग्ल्याण्डको लागि यो एकदमै ठूलो झट्का मानिएको छ । विश्वकपको लागि इंग्ल्याण्ड क्रिकेट टिमको क्याम्प सुरु हुन लागिसकेको छ । प्रतिबन्ध लागेका कारण हेल्सले २१ दिनसम्म क्रिकेट खेल्न पाउने छैनन् ।
यस विषयमा इंग्ल्याण्ड क्रिकेटका पूर्व कप्तान माइकल वानले ट्वीट गर्दै आक्रोश पोखेका छन् । उनले हिल्सलाई विश्वकप टिमबाटै हटाउनुपर्ने बताएका छन् ।
No sympathy what’s so ever for Alex Hales … 2nd time he has failed a recreational drugs Test !!!!!!!!!!! Should not be anywhere near the WC squad imo …
— Michael Vaughan (@MichaelVaughan) April 26, 2019
