गर्धनमा ट्यूमर देखिएपछि अस्पातल भर्ना भएकी अभिनेत्री स्वेता खड्काको भारतमा सफल शल्यक्रिया गरिएको छ । केही समय अगाडी फिल्म हेल्लो जिन्दगीको सुटिङका लागि लण्डन पुगेकी खड्का बिरामी परेपछि अस्पताल भर्ना भएकी थिइन् ।
लण्डन जानु अगाडी नै ट्युमर बारे आफु जानकार भए पनि डाक्टरको सल्लाह अनुसार केहि महिना पछी शल्यक्रिया गर्ने सोचका साथ हेल्लो जिन्दगी सुटिङ सेट जोइन गरेकी खड्कालाई एक्कासी जरो आउने र र दुख्ने हुन थालेको थियो । उनले सामाजिक संजाल फेसबुकामा लेखेकी छिन्, ‘लन्डन जानुभन्दा केही दिन अगाडि पनि मेरो चिउँडो मुनिको भागमा दुखाई भएको थियो । डाक्टरसँग परामर्श गर्दा ट्यूमर देखियो । तर, यसबाट डराउनु नपर्ने र केही महिनापछि शल्यक्रिया गर्दा पनि हुने डाक्टरले बताउनुभयो । तर, लन्डनमा फेरि समस्या दोहोरियो । खप्नै नसक्ने गरी दुख्ने र ज्वरोसमेत आएपछि अस्पताल गएँ । त्यहाँ डाक्टरले चाँडोभन्दा चाँडो शल्यक्रिया गर्न सुझाव दिनुभयो ।’
बिरामी पर्न थाले पछी श्वेतालाई भारत ल्याइएको थियो । हाल उनको सफल शल्यक्रिया भइसकेको छ । उनले शल्यक्रिया भएसंगै हेल्लो जिन्दगीमा काम गर्न नसक्ने बताएकी छिन् । उनले लेखेकी छिन् जीवनले फेरि मसँग अर्को खेल खेल्यो । वास्तवमा जिन्दगी अनिश्चित हुन्छ भन्ने भनाई सत्य रहेछ ।
तपाईंले बनाएका योजनाहरु केही सेकेन्डम भताभुंग हुँदा रहेछन् । म दु:खपूर्वक तपाईंहरुलाई जानकारी गराउन चाहन्छु कि अब म आफ्नो नयाँ चलचित्र हेल्लो जिन्दगीमा काम गर्न सक्षम हुनेछैन । यद्यपि, फेरि एक पटम म भयानक परिस्थितिलाई जितेर निस्किएकी छु ।’
