इण्डियन प्रिमियर लिग (आईपीएल) अन्तर्गत शनिबार दुई खेल हुँदैछन् । लिग चरणको खेल सकिनै लाग्दा १२औं सिजनको आईपीएल झन् रोमाञ्जक देखिएको छ ।
- Advertisement -
दिल्लीको फिरोज शाह कोटला मैदानमा सवा चार बजे हुने पहिलो खेलमा दिल्ली क्यापिटल्स र रोयल राजस्थान प्रतिस्पर्धा गर्दैछन् । राजस्थानले टस जितेर पहिले ब्याटिङ गर्ने निर्णय गरेको छ ।
आजको खेलमा नेपालका सन्दीप लामिछानेले मौका पाएका छैनन् । दक्षिण अफ्रिकाका तीव्र गतिका बलर कागिशो रबाडाको अभावमा दिल्लीले आज दबाब महसुस गर्नेछ ।
- Advertisement -
यसैगरी राति सवा आठ बजे सुरु हुने दोस्रो खेलमा बेंग्लुरुको चिन्नास्वामी स्टेडियममा रोयल च्यालेन्जर्स बेंग्लोर र सनराइजर्स हैदराबादले प्रतिस्पर्धा गर्दैछन् ।
